Cofrestri Rheoli Datblygu ac Adeiladu Cyngor

Mae gan y Cyngor gofrestr ar-lein ar gyfer cofnodion yn ymwneud â Rheoli Datblygu ac Adeiladu. Sylwch fod yr holl gofrestri’n cael eu diweddaru bob dydd. Os oes angen cymorth arnoch i gael manylion ar y cofrestri, neu wybodaeth am ffeiliau y penderfynwyd arnynt, cysylltwch â’r adran gynllunio ar 01446 704681. Ar gyfer ceisiadau, apeliadau neu achosion gorfodi nad ydynt wedi’u penderfynu eto, cysylltwch â’r swyddog a nodwyd.

Mae’r cofrestri fel a ganlyn:

Cofrestr Ceisiadau Cynllunio

Mae chwiliad safonol yn eich galluogi i ddewis eich meini prawf eich hun ar gyfer chwilio (e.e. Rhif y Cais, Lleoliad, Ymgeisydd ac ati).

Fel arall, gellir defnyddio'r chwiliadau canlynol a ddiffinnir ymlaen llaw (gan ddefnyddio'r dewislenni ar y chwith):

• Pob cais cynllunio sy'n weddill (h.y. eto i'w benderfynu).
• Ceisiadau Cynllunio a Gychwynnwyd (dilyswyd) yn ystod y 28 diwrnod diwethaf.
• Ceisiadau Cynllunio a benderfynwyd o fewn y 28 diwrnod diwethaf.
• Ceisiadau am Ddatblygiad Mawr yn aros am benderfyniad.
• Ceisiadau gan ddeiliaid tai sy'n aros am benderfyniad.

Rhoi sylwadau ar Gais Cynllunio

Os hoffech roi sylwadau ar gais cynllunio, y ffordd hawsaf o wneud hyn yw gweld y cofnod yn y gofrestr ar-lein a defnyddio'r ddolen berthnasol ar frig y dudalen 'rhoi sylwadau ar y cais cynllunio hwn' i gyflwyno'ch sylwadau.

Sylwer y bydd unrhyw sylwadau a gyflwynir ar gael i'w gweld drwy gofrestr ar-lein y Cyngor, yn unol â hynny, sicrhewch nad ydych yn cynnwys unrhyw wybodaeth nad ydych am ei gyhoeddi megis rhifau ffôn neu gyfeiriadau e-bost yn eich ymateb. Sylwch ar hyn, os ymatebwch drwy ddefnyddio’r gofrestr ar-lein.

Gwneud sylwadau ar geisiadau cynllunio i gael eu dwyn gerbron Pwyllgor

Pan gyflwynir sylwadau mewn perthynas â cheisiadau cynllunio sy'n cael eu adrodd i'r Pwyllgor Cynllunio, y tu allan i'r cyfnod ymgynghori statudol o 21 diwrnod, dylid nodi y gellir derbyn y sylwadau hynny'n rhy hwyr i'w cynnwys o fewn adroddiad ffurfiol y pwyllgor. Y rheswm am hyn yw bod adroddiadau fel arfer yn cael eu paratoi rhyw bythefnos cyn cyfarfod gwirioneddol y Pwyllgor Cynllunio.

Er mwyn sicrhau nad yw aelodau o'r cyhoedd a sefydliadau/cyrff eraill sydd â buddiant mewn cais penodol yn cael eu rhoi dan anfantais, mae'r Awdurdod yn derbyn ac yn adrodd am arsylwadau a dderbynnir hyd at 12 p.m. ar y diwrnod cyn Pwyllgor. Dosberthir y sylwadau hyn ar ffurf adroddiad hwyr i aelodau’r Pwyllgor ar y noson cyn y Pwyllgor drwy E-bost ac fe'u cyflwynir ar ffurf copi caled yn y cyfarfod ei hun.

Datganiad preifatrwydd

Mae'r datganiad preifatrwydd hwn yn esbonio sut rydym yn defnyddio unrhyw wybodaeth bersonol a gasglwn amdanoch pan fyddwch yn defnyddio cofrestr Cynllunio Ar-lein y Cyngor.

Pa wybodaeth ydyn ni'n ei chasglu amdanoch chi?

Wrth benderfynu ar gais cynllunio neu gais cysylltiedig, mae'r Cyngor yn derbyn amrywiaeth o wybodaeth bersonol o nifer o ffynonellau, gan gynnwys y ffurflen gais ac unrhyw ddogfennau o gefnogaeth neu wrthwynebiad, yr ymgeisydd a phartïon â diddordeb. Gall y mathau o wybodaeth bersonol a ddarperir gynnwys:

• gwybodaeth gyswllt - eich enw, cyfeiriad, cyfeiriad e-bost, rhifau ffôn neu symudol;
• eich swydd;
• gwybodaeth sy'n ymwneud â barn neu fwriadau a fynegwyd mewn perthynas â chais cynllunio.

Cyhoeddi a Mynediad at Wybodaeth

Er mwyn cydymffurfio â'i rwymedigaethau statudol, rhaid i'r Cyngor gyhoeddi manylion penodol sy'n ymwneud â cheisiadau cynllunio ar ffurf cofrestr gyhoeddus. Mae rheoliadau yn caniatáu gwneud y wybodaeth hon ar gael ar y Rhyngrwyd. Mae hefyd gan y Cyngor rwymedigaeth statudol i gyhoeddi rhestr o geisiadau cynllunio ar ei wefan. Mae hyn yn cynnwys enw a chyfeiriad yr ymgeisydd ac, os yw asiant yn gweithredu ar ran yr ymgeisydd, enw a chyfeiriad yr asiant hwnnw.

Gwybodaeth i Ymgeiswyr ac Asiantau

Bydd y Cyngor yn cyhoeddi ar ei wefan gopi o'ch ffurflen gais wedi'i chwblhau a dogfennau a lluniadau ategol perthnasol. Bydd hyn yn cynnwys eich enw a'ch cyfeiriad a, pan fo asiant yn gweithredu ar eich rhan, enw a chyfeiriad yr asiant hwnnw.

Er mwyn diogelu eich data personol rhag unrhyw ddatgeliad diangen, bydd y Cyngor yn tynnu rhif ffôn, cyfeiriad e-bost a llofnod yr ymgeiswyr o'r wybodaeth y gellir ei gweld drwy'r wefan.

Gwybodaeth i Ymgyngoreion a Gwrthwynebwyr

Gall y Cyngor gyhoeddi eich sylwadau ar ei wefan a gall hyn gynnwys eich enw a'ch cyfeiriad. Os nad ydych am i unrhyw wybodaeth bersonol gael ei chyhoeddi, dylech sicrhau nad ydych yn cynnwys eich rhif ffôn na'ch cyfeiriad e-bost mewn unrhyw ohebiaeth ysgrifenedig neu wedi'i deipio a dylech ddefnyddio llofnod wedi'i deipio.

Ni fydd y Cyngor yn cyhoeddi sylwadau difenwol nac anllad.

Os cyflwynir apêl yn erbyn y cais i Arolygiaeth Gynllunio Llywodraeth Cymru, byddant hefyd yn cyhoeddi eich sylwadau ar y rhyngrwyd.

Diogelu Data

Bydd y Cyngor yn prosesu eich data personol yn unol â Deddf Diogelu Data 1998 a bydd yn:

• Defnyddio'r wybodaeth at ddibenion delio â'r cais ac ystyried y cais;
• Dim ond am gyn belled ag y bo'n rhesymol angenrheidiol y cyhoeddwch yr wybodaeth.

Eich cyfrifoldebau:

• Dim ond os ydych yn hapus iddo gael ei roi ar gael i'r cyhoedd, gan gynnwys cyhoeddi ar y rhyngrwyd, y dylech ddarparu gwybodaeth bersonol.
• Peidiwch â chynnwys gwybodaeth bersonol am berson arall (gan gynnwys aelodau o'r teulu) oni bai bod yr unigolyn dan sylw wedi cydsynio a gallwch ddarparu tystiolaeth o'r caniatâd hwn.
• Dywedwch wrthym cyn gynted â phosibl os bydd unrhyw ran o'r wybodaeth bersonol a ddarparwyd gennych yn newid.

Cofrestr Apeliadau Cynllunio

Mae'r gofrestr apeliadau ar-lein yn eich galluogi i chwilio am ac edrych ar apeliadau sydd wedi’u gwneud ers 1990 mewn perthynas â cheisiadau cynllunio a Hysbysiadau Gorfodi. Eto, pan fo dogfennau perthnasol, mae modd eu gweld. Yn ychwanegol i'r Chwiliad Safonol, gellir defnyddio'r chwiliadau canlynol a ddiffiniwyd ymlaen llaw (gan ddefnyddio'r dewislenni ar y chwith):

• Pob apêl sy'n weddill (h.y. eto i'w phenderfynu).
• Penderfyniadau Apeliadau yn ystod y 28 diwrnod diwethaf.

Datganiad Preifatrwydd

Gweler y datganiad ar gyfer ceisiadau cynllunio.

Cofrestr Gorfodaeth Gynllunio

Mae'r gofrestr gorfodi cynllunio ar-lein yn eich galluogi i chwilio a gweld achosion honedig o dorri amodau o reoli cynllunio y mae Cyngor Bro Morgannwg wedi ymchwilio iddynt neu sy'n cael eu hymchwilio ganddo ers 1996.

Pan fo Hysbysiad cyfreithiol wedi'i gyflwyno (er enghraifft, Hysbysiad Gorfodi neu Hysbysiad Torri Amod) gellir gweld dogfennau o'r fath hefyd.

Mae'r chwiliad safonol yn eich galluogi i ddewis eich meini prawf eich hun i chwilio arnynt (e.e. Cyfeirnod y Cyngor, lleoliad, toriad honedig, ac ati). Mae'r chwiliadau canlynol wedi'u diffinio ymlaen LLAW yn gallu cael eu defnyddio hefyd (gan ddefnyddio'r dewislenni ar y chwith):

• Pob achos sy'n destun ymchwiliad ar hyn o bryd.
• Pob achos a gychwynnwyd yn ystod y 28 diwrnod diwethaf.
• Achosion a gaewyd o fewn y 28 diwrnod diwethaf.
• Achosion lle mae hysbysiad cyfreithiol wedi'i gyflwyno (h.y. cofrestr Gorfodi'r Cyngor a Hysbysiadau Stopio).

Datganiad Preifatrwydd

Mae gofyniad statudol i gyhoeddi cofrestr hysbysiad gorfodi, ond, o ystyried natur sensitif posibl yr wybodaeth hon, mae angen mynd i gryn drafferth i sicrhau na ddaw gwybodaeth niweidiol ynglŷn ag unigolion yn gyhoeddus oni bai y cyfiawnheir hyn dan Ddeddf Diogelu Data. Yn unol â hynny, dylid rhoi sicrwydd i unrhyw un sy'n gwneud honiadau am dorri rheolaeth gynllunio na fydd ei fanylion personol ar gael heb ei ganiatâd.

O ystyried yr uchod, mae'r holl achosion gorfodi a nodir yn y gofrestr ond yn ymdrin â chyfeiriadau eiddo ac nid ydynt yn manylu ar unrhyw wybodaeth bersonol ac eithrio pan fo hysbysiadau gorfodi wedi'u cyflwyno.

Cofrestr Rheoli Adeiladu

Mae’r gofrestr reoli adeiladu ar-lein yn eich galluogi i chwilio a gweld Ceisiadau Rheoliadau Adeiladu sydd wedi’u cyflwyno i Gyngor Bro Morgannwg ers 1996. Pan fo ar gael, mae’n cynnwys dogfennau perthnasol.

Mae chwiliad safonol yn eich galluogi i ddewis eich meini prawf eich hun i’w chwilio (e.e. Rhif rheoliadau adeiladu, Lleoliad, Math o Adeilad ac ati). Mae'r chwiliadau canlynol a ddiffiniwyd ymlaen llaw yn gallu cael eu defnyddio hefyd (gan ddefnyddio'r dewislenni ar y chwith):

• Ceisiadau sy'n weddill.
• Ceisiadau a Gychwynnwyd o fewn 28 diwrnod.
• Ceisiadau Wedi'u Cwblhau o fewn 28 diwrnod.

Datganiad Preifatrwydd

Gan nad oes Cofrestr Statudol ar gyfer ceisiadau Rheoliadau Adeiladu, a natur budd y cyhoedd, mae ond yn berthnasol i ddangos gwybodaeth gyfyngedig am geisiadau rheoliadau adeiladu, e.e. rhif y cais, cyfeiriad, disgrifiad o ddatblygiad arfaethedig, dyddiadau perthnasol a statws y cais/datblygiad. Ni chynhwysir rhifau ffôn na chyfeiriadau e-bost ymgeiswyr ar y gofrestr ar-lein.

Ymwadiad:

Ni all y Cyngor fod yn gyfrifol am fynd i'r afael yn anghywir ag eiddo a gedwir ar y gofrestr hon, nac am wybodaeth nas canfuwyd o ganlyniad i chwilio amhriodol.

Argraffu / llungopïo cynlluniau 'Yn unol ag Adran 47 o'r Hawlfraint, Dylunio & Deddf Patentau 1988, ni ddylid copïo cynlluniau heb Awdurdod deiliad yr hawlfraint'.

Rydych chi yma: